Шы (сёрнишы) – этӧ сёрниын медучӧт тор. Сёрнишыэз аркмӧны шуикӧ тырппез, пиннез, ӧм да ныр пытшк, кыв, тыэз (лёгкоэз) отсӧтӧн.
Гласнӧй шыэз аркмӧны падмавтӧг, ру петӧ кокнита, ӧм оссьӧ то паськытжыка, то векнитжыка, кыв локтӧ пиннез дынӧ то матынжыка, то ылынжыка.
Согласнӧй шыэз шуикӧ аркмӧ падмӧм тырппезын да пиннезын. Согласнӧй шыэз шуикӧ кыв павкӧ пиннез либо нёбо бердӧ, тырппез жмитчӧны ӧтамӧд бердӧ либо невна торйӧтчӧны, ӧм вермас невна оссьыны либо шы вермас петны ныр пытшкӧт.
