Согласнӧй шыэз – этӧ сёрнишыэз, кӧдна аркмӧм коста ру падмӧ тырппезӧ да пиннезӧ.
Пыр видзам тӧдвылын, мый шыэз мийӧ шуам.
Шы мыччалам эттшӧм пасӧн – [ ].
Ӧння коми-пермяцкӧй кылын 30 согласнӧй шы: [б], [в], [г], [д], [д'], [дж], [дз], [ж], [з], [з'], [й'], [к], [л], [л'], [м], [н], [н'], [п], [р], [с], [с'], [т], [т'], [тш], [ф], [х], [ц], [ч'], [ш], [щ'].
Согласнӧй шыэз овлӧны гораӧсь – гусяӧсь, чорытӧсь – небытӧсь, парнӧйӧсь – партӧмӧсь.
Гора шыэз: [б], [в], [г], [д], [д'], [ж], [з], [з'], [ дз], [дж], [й'], [л], [л'], [м], [н], [н'], [р].
Гуся шыэз: [п], [ф], [к], [т], [т'], [ш], [с], [с'], [ч'], [тш], [щ'], [ц], [х], [ф].
Мукӧд гора да гортӧм шыэз вермӧны аркмӧтны гоззэз (параэз). Видзӧтӧ таблица:
Партӧм шыэзӧн лоӧны: [н], [н'], [м], [л], [л'], [р], [й], [х], [ц], [щ].
Чорыт шыэз: [б], [в], [г], [д], [дж], [ж], [з], [к], [л], [м], [н], [п], [р], [с], [т], [тш], [ф], [х], [ц], [ш].
Небыт шыэз: [д'], [дз], [з'], [й'], [л'], [н'], [с'], [т'], [ч'], [щ'].
Чорыт да небыт признак сьӧрті коми-пермяцкӧй кылын аркмӧны сэтшӧм параэз:
Пыр небытӧсь: [щ'], [й'].
Пыр чорытӧсь: [б], [в], [г], [ж], [м], [р], [п], [ф], [к], [ш], [х], [ц].
Школаын мийӧ чорыт согласнӧй шыэз мыччалам лӧз рӧмӧн, небыт согласнӧй шыэз – зелёнӧй рӧмӧн, гласнӧй шыэз – гӧрд рӧмӧн.
Видзӧтам пример: гижам жонь, шуам [жон'], мыччалам схемаӧн
