[дз] – ӧтлаасьӧм шы, гижикӧ мыччалам кык шыпасӧн: д да з, сійӧн аффриката дз абу шыпасчукӧрын.
Аффриката [дз] кыввезын пантасьлӧ кыв пондӧтчикӧ, кыв шӧрын и кыв помын: дзель, дзодзог, дзоридз.
Кӧр дз сулалӧ кыв одзын и эта кывсянь пондӧтчӧ сёрникузя либо собственнӧй эманим, то ыджыт буквасянь гижам только медодзза шыпассӧ:
Дзор Морозко, эн чеплясь,
Нырӧ оз жӧ кынмы ась. (С. Караваев)
Кама бассейнын эмӧсь и мӧдік горттэз. Нылӧн ниммес унажыксӧ аркмисӧ простӧя – кинлӧнкӧ нето кытшӧмкӧ горт: Камгорт, Дзельгорт, Кушмангорт, Дзольгорт. (В. Климов)
Кӧр аффриката [дз] шуикӧ кылӧ кузя, кыкись гижсьӧ только мӧд шыпасыс: дзоридз – дзоридззез, адззисьлытӧдз.
