Коми-пермяцкӧй фразеологическӧй кывчукӧр медодззаись петіс 2010 воӧ. Сійӧ лӧсьӧтіс филологическӧй наукаэз сьӧрті кандидат Попова Ольга Анатольевна.
Кывчукӧрын эмӧсь статьяэз «Кывчукӧрлӧн состав», «Кыв позлӧн структура», «Коми-пермяцкӧй фразеологизммез чукӧртӧм да велӧтӧм историяись».
Сетӧм кывчукӧрӧ пырисӧ ӧтік сюрс витсё (1500) мымда фразеологизм коми-пермяцкӧй кылісь.
Видзӧтӧ, кытшӧм фразеологизммез пантасьлӧны кывчукӧрын 172 л.б. вылын. Медодз кывчукӧрын сетӧм фразеологизм коми-пермяцкӧй кыв вылын, а улынжык сетӧм вуджӧтӧм роч кыв вылӧ фразеологизм либо пыртӧм роч кылісь фразеологизм.
Кывчукӧр бӧрын вайӧтӧмӧсь быдкодь содтӧттэз да иньдӧт, кӧда отсалас перыта адззыны колана фразеологизм.
