Мукöд кыввезын йотированнöй гласнöйез да ны одзын сулалан согласнöйез шусьöны торйöн: чышьян (чышйан), асъяпон (асйапон), пиньяйез (пин’йайез).
Гижикö эта шуöмыс мыччасьö то кыдз: согласнöй бöрын е, ё, ю, я шыпассэз одзын гижсьö ъ (разделительнöй чорыт) нето ь (разделительнӧй небыт) пас.
Разделительнöй чорыт (ъ) пас гижсьö е, ё, ю, я шыпассэз одзын д, з, л, н, с, т согласнöйез бöрын, кöр нiя кылöны чорыта: идъя, медъён, медъетша; изъя, розъя, озъягöд, летъявны, лунъя.
Разделительнöй небыт (ь) пас гижсьö е, ё, ю, я шыпассэз одзын мöдiк согласнöйез бöрын: дзибьяин, ловья, быгья, кыкьямыс, вешьян.
! Пырӧм (заимствуйтöм) кыввезын ъ да ь разделительнöй пассэз гижсьöны роч орфографиялöн правилоэз сьöртi: съезд, объявленнё, съёмка, Демьян, барьер, почтальон.
