Кöр гора согласнöйез сулалöны гуся согласнöйез одзын, нiя пöрöны гусяэзö: содтыны (шуам соттыны), а гуся согласнöйез гораэз одзын пöрöны гораэзö: Öтдор (шуам öддор).
-ышт, -öсьт кадакывлӧн суффикссэзын т оз шусьы: гижыштны (шуам гижышны), нятьöсьтны (шуам нятьöсьны). Т шусьö только мукöд кадакывлӧн формаэзын гласнöйез одзын: гижышта, нятьöсьта.
Орфографическöй т оз шусьы кыввезын: осьтны (шуам осьны), кисьтны (шуам кисьны), босьтны (шуам босьны), но шонтны, лонтны и с.о.
-Тч, -дч, -дзч согласнöйез сочетаннёын шусьö -чч: гижсьö вöтчыны (шусьö вöччыны), видчыны – виччыны, лэдзчыны – лэччыны.
Кӧр чорыт согласнӧй сулалӧ ордчöн небыт согласнöйкӧт, то шуикӧ одзись согласнӧйыс шусьӧ небыта: керöссянь (шусьӧ кэрöсьсьань).
