Художественнöй стиль – сёрни стиль, кӧда пантасьö художественнöй тексттэзын: висьттэзын, повесттезын, кывбуррезын, поэмаэзын, романнэзын да с.о. Эта стиль öддьöн образнöй, нагляднöй, эмоциональнöй. Художественнöй произведеннёын подробнöя гижсьö торья конкретнöй деталлез йылiсь, например, кыдз геройыс ветлöтö, пасьтасьö, кытшöм сылöн медрадейтана небӧг.
Художественнöй стиль чужтö лыддьöтiсьлiсь быдкодь думаэз да чувствоэз, сетö нiйö адззывны, воспитывайтö. Сыын используйтчö лексикалöн быдöс богатство. Художественнöй стиль эстетичнöй, образнöй, эмоциональнöй.
Художественнöй стильлöн ассямаӧн лоӧ:
- конкретнöй кыввез пыртӧм (не просто кайез, а пистöггез, чавканнэз…; не просто пуэз, а кыдззез, пожуммез…);
- тшӧка пантасьлӧны невеськыт вежöртаса кыввез (удж пизьö, тöлiсь шыннялö), быдкодь эпитеттэз (визыв томпöлöс, рöма ар); сравненнёэз (гöрд гöглянöн лэдзчисис шондi; дзик чераньввез жö, туй каттисьöм); эмоционально-оценочнöй кыввез (Öганёк, муиньöй); сёрниись пырöм кыввез (ванзыны, чöсмасьны, росйыны),
- быдкодь структураа предложеннёэз, сложнöй конструкцияэз.
- быдкодь интонацияа сёрникузяэз.
