Ас кыввез – кыввез, кӧдна шогмисӧ, аркмисӧ чужан кылын, олӧны сыын, зорамӧны, ӧшӧны, аркмӧтӧны вильӧсь, вежӧны вежӧртас и с.о. Ас кыввезӧн коми-пермяцкӧй кыв понда лоӧны: ӧтік, кык, пель, ныр, морт, горт и с.о.
Мукӧд кыввез миян кылын, кыдз лыддьӧны учёнӧйес, аркмисӧ ӧддьӧн важын, неӧтік тысяча во сайын: ва, син, му, ме, тэ, ньыв, сос, овны.
Мукӧдыс лоисӧ сёрӧнжык (миян эраӧдз кыкӧт тысячилетиеӧ), например, сэтшӧм кыввез, кыдз тош, ай, туй, ур, адззыны, ныж и с.о.
Сёрӧнжык, миян эраын, миян кылын пондісӧ пантасьлыны кыввез: сур, таг, дуді, вежай, босьтны, вузавны и мӧдіккез.
