Пырӧм кыввез – этӧ кыввез, кӧдна пырисӧ коми-пермяцкӧй кывлӧн словарнӧй составӧ мӧдік кыввезісь, унажыксӧ рочись: деньга, клуб, аптека.
Коми-пермяцкӧй кылӧ уна кыввез пырисӧ роч кыв пырйӧт мӧдік кыввезісь: французскӧй кылісь – душ, меню, крем; английскӧй кылісь – футбол, джем; немецкӧй кылісь – бутерброд, ванна, парикмахер; итальянскӧй кылісь – паспорт, банк, помидор.
Пырӧм кыввез коласын пантасьӧны профессиональнӧй кыввез – профессионализммез. Нійӧ туйӧ пантавны отир сёрниын, кӧдналӧн ӧткодь удж, профессия. Медицинскӧй работниккез сёрниын: термометр, пандемия, диагноз; экономисттэз сёрниын: бюджет, инфляция; языковеддэз сёрниын: удареннё, причастие, кывбӧр.
