Деепричастие – кадакывлöн сэтшöм невежласяна форма, кöда öтдруг босьтö признаккесö кадакывлiсь да урчитанлiсь: сьывтӧн, мунікӧ.
Деепричастиеэз дынö позьö сувтöтны юасьöммез: мый керикö?, мый кертöн?, мый кертöдз, мый кертöг?, мый керöмöн? – ны туйö позьö сувтöтны юасьöм кыдз?
Деепричастие аркмö кадакылiсь. Этöн сiя и матын эта сёрни тор дынö: мунны (кадакыв) – мунікӧ (деепричастие)
Деепричастиеэз аркмöны кадакыввезiсь -икö (-iкö), -тöн, -тöдз, -тöг, -öмöн суффикссэзöн: узикö, узьтöн, узьтöдз, узьтöг, узьöмöн.
Урчитанкöт деепричастие матын сiйöн, что некыдз оз вежлась, öткодь синтаксическöй функцияэз: сёрникузяын деепричастие пыр йитсьö кадакывкöт да лоö обстоятельствоöн.
Сёрникузяын деепричастие öтлаын кадакывкöт мыччалö содтiсяна (добавочнöй) действие.
Видзöтам примеррез: уджалісӧ шоччисьтӧг (мый керисö?) уджалiсö (мый кертöг?, кыдз?) шоччисьтӧг (уджалiсö – основнöй действие, шоччисьтӧг – содтiсяна действие: уджавны сідз, нельки оз шоччисьӧ).
