Асланыс вежöртас сьöртi лыданиммез овлöны количественнöйöсь, порядковöйöсь, обобщительнöйöсь.
Количественнӧй лыданиммез – этӧ лыданиммез, кöдна мыччалöны предметтэзлiсь лыд, сетöны очакыв кыным? юасьöм вылö: нёль, квать, кыкьямысдас, куимдас кык.
Порядковӧй лыданиммез – этӧ лыданиммез, кöдна мыччалöны предметтэзлiсь лыддикö порядок, сетöны очакыв кынымöт? кынымöдз? юасьöм вылö: кватьöт, кыкьямысöт, нёльöдз, витöдз.
Обобщительнӧй лыданиммез – этӧ сэтшӧм лыданиммез, кöдна мыччалöны предметтэзлiсь лыдсö обобщённöя да сетöны очакыв мымда? юасьöм вылö: куимнан, нёльнан, витнан, кыкнан.
