Точка запятöйӧн (;) колӧ сувтӧтны:
союззэзтöм сложнöй сёрникузяын, если простöй сёрникузяын эмöсь ни запятöйез: Гожумыс волi зэра, кöдзыт; нянь быдмис умöлик, виль годöдз оз тырмы. (М. Л.)
Ме виль отиркöт пантасьлi, уна кылi шоныт кыв;
Бур юöррезöн козьнаси, и сьöлöмö радмис жыв. (Г. Бачева)
Но счастьеыс – руч, сiйö сьöкыт вöтны и кузь кока солдатыслö; счастьеыс – ваын ёкыш, сiйö он гумышт ведраöн, он кут куш киöн.(В. Климов)
союззэзтöм сложнöй сёрникузяын, кӧр простöй сёрникузяэз смысл сьöртi абу матынöсь: Вöр весьтö лэдзчисис тулысся мича ой; вылын-вылын, лöз рöма небоын, пу йыввез коласöт тыдалiсö кык-куим звезда.
сложносочинённӧй сёрникузяын, если простöй сёрникузяын эмöсь ни запятöйез:
Мамыс петiс джодж шöрас, видзис киас нянь бекöр; а сэсся сія мылякӧ перыта-перыта крестасис. (В.Климов сьӧрті)
Лыддьöтiкö точка да запятöй одзын керсьö ыджыт пауза.
