Назывнöй (номинативнӧй) сёрникузя – этö öтiк состава сёрникузя, кöдаын главнöй членöн лоö подлежащöй.
Арся асыв. Сöстöм. Ыркыт.
Луддэз вылын пуж ольсассьöм.(М.Вавилин)
Номинативнöй сёрникузяын подлежащöй вермас лоны:
- именительнöй падежа эманимöн: Асъяпон. Март. Вит час. Ыркыт.
- именительнöй падежа нимвежанöн: Вот и ме! А вот и нiя! (М.Лихачёв)
- лыданимöн: Öтiк, кык, куим… Дас голос.
Номинативнöй сёрникузяын пантасьлöны указательнöй частицаэз: вот, то, вон.