Определённо-личнöй сёрникузяэз – этö односоставнöй сёрникузяэз, кöднаын главнöй членыс (сказуемöйыс) мыччалö, что действиеыс керсьö определённöй лицоэзöн: Эшö неважын вöлiмö томöсь…(Л.Гуляева).
Главнöй членыс сэтшöм сёрникузяын сетсьö кадакылӧн изъявительнöй наклоненнёын медодзза либо мöдiк лицоын, а сiдзжö повелительнöй наклоненнёа кадакылӧн.
Вежöртам ли огö, что ваас кыкись не пыравны? (В.Рычков). Дак чеччы нö местасит, чеччы да отирыс одзö мун пет. (В. Климов).
Кадакывлӧн форма сьöртi кокнита адззиссьö лицо и нимвежанлӧн лыд (ме, тэ, мийö, тiйö); подлежащöй эттшöм сёрникузяын лоö неколанаöн: Быдöс висьтася сiдз, кыдз эм, и некинсянь ог суськы нем (А.Истомин). Кадакыв висьтася сулалӧ 1 лицоын, ӧння кадын, ӧтка лыдын.
Только важмоза ошшасям,кöр олан гильöтö гос.
Важмоз ойзам да няпрасям, кöр паськöтö-висьö кос.(В. Климов)
