Подчинительнöй йитсьöмлöн куим вид: примыканнё, управленнё, согласованнё.
Примыканнё – этö кыввезлöн сэтшöм йитсьöм, кöр зависимöй кылыс йитсьö главнöйыскöт смысл сьöртi.
Примыканнёöн коми-пермяцкöй кылын йитсьöны:
Урчитан да кадакыв: бура овны, дыр ветлӧтны
Деепричастие да кадакыв: мунны тэрмасьöмöн;
неопределённöй формаа кадакыв да кадакыв: лöсьöтчыны öктыны, сёйны пырны.
кык эманим: йöрнöс сос, керку юр
нимтан да эманим: рöма тулыс; чӧскыт нянь, учӧт зонка
причастие да эманим: пышшалiсь мöс; вартан машина
нимвежан да эманим: тiян удж, асланым горт
лыданим да эманим: дасöт класс, нёль кыв.
! Примыканнёа кывтэчас вежлалікӧ, вежсьӧ только главнӧй кылыс, зависимӧй кыв некыдз оз вежсьы: мунны тэрмасьӧмӧн – муніс тэрмасьӧмӧн – мунім тэрмасьӧмӧн – пондас мунны тэрмасьӧмӧн.
Управленнё – этö кыввезлöн йитсьöм, кöр главнöй кылыс корö, медбы зависимöйыс сулалiс колана (косвеннӧй) падежын либо кывберкӧт: сёйны нянь, мунны тшакла, пуктыны пызан вылӧ, но босьтны пызан вылісь.
Кывтэчасын мунны туй кузя кыв мунны корö зависимöй кывсö послелогкöт кузя; кывтэчасын сетны велöтiсьлö глагол сетны корö велöтiсь кывсö родительнöй падежын.
Согласованнё - этö кыввезлöн йитсьöм, кöр зависимöй кылыс сувтöтсьö сія жö числоын, либо лицоын, либо падежын, кöдаын сулалö главнöйыс. Эта йитсьӧм коми-пермяцкӧй кылын пантасьлӧ ӧддьӧн шоча.
Мийӧ кыкӧн – миянлӧ кыкнанымлӧ – миянлісь кыкнаннымлісь.
Ммийö асьным кывтэчасын асьным согласуйтчö мийö кывкöт уна лыдын, им. п., 1 л.; а воннэс кыкнанныс кывтэчасын кыкнанныс согласуйтчö воннэс кывкöт уна лыдыд им.п., 3 л.