Баталова Раиса Михайловна, филологическӧй наукаэз сьӧрті доктор, чужис август 10 лунö 1931 годӧ Юсьвинскӧй районісь Рудаки деревняын. Велӧтчис Кудымкарскӧй педучилищеын. Сыбӧрын уджаліс велӧтісьӧн Юсьвинскӧй районісь Аксёновскӧй школаын. 1954-1959 годдэзö велöтчис Сыктывкарын, Коми пединститутын.
1962 годö дорйис диссертация «Оньковский диалект коми-пермяцкого языка» да 1963 восянь уджаліс Москваын СССР-ись Наукаэзлӧн кывтуялан институтын. 1998 воӧ лоис наукаэз сьӧрті докторӧн.
Сы кипод увтын вӧлісӧ лэдзӧмӧсь небӧггез коми-пермяцкӧй диаллектэз сьӧрті. Ӧтлаын Антонина Семёновна Кривощекова-Гантманкӧт лӧсьӧтісӧ «Коми-пермяцко-русскӧй словарь» (1985) да «Коми-пермяцкӧй орфографическӧй словарь» (1992).
1985 воӧ Москваын петіс «Коми-пермяцко русскӧй словарь». Учёнӧйез керисӧ ӧддьӧн ыджыт да колана удж. Нія пыртісӧ кывчукӧрӧ 27 сюрс кыв да сетісӧ нылісь вуджӧтӧм роч кыв вылӧ.