Публицистическöй стиль – этö литературнöй кывлöн стиль, кӧда пырйöт гижиссез да баитiссез сетöны виль юöррез отир йылiсь да событиеэз йылiсь, старайтчöны саймöтны лыддьöтiссезлiсь да кывзiссезлiсь вежöр (ум), вöрзьöтны сьöлöм, чужтыны интерес тема да проблема дынӧ, корӧны мыйкӧ керны. Эта сёрниыс сетсьö уна отир понда, сiйöн колö керны текст быдöн понда вежöртанаöн.
Публицистическöй стильлöн ассямаыс:
- общественно-политическöй да культурнöй оланiсь, быдкодь наукаэзiсь терминнэз;
- невеськыт вежöртаса да эмоционально-оценочнöй кыввез, эпитеттэз, сравненнёэз, метафораэз;
- повторяйтчана кыввез, устойчивöй кыв тэчассэз (словосочетаннёэз);
- синтаксис ладорсянь публицистическöй стильын пантасьöны быдкодь вида простöй да сложнöй предложеннёэз, юалан да тшöктан сёрникузяэз, однороднöй членнэз, обращеннёэз, вводнöй кыввез да вводнöй предложеннёэз
- публицистическöй стиль матын научнöй, художественнöй да сёрнитан стиллез дынö:
- сёрнитан стильлöн элементтэз: разговорнöй кыввез, устойчивöй кывтэчассэз, пословицаэз, поговоркаэз.
- научнöй стильлöн элементтэз: терминнэз, кадакылiсь аркмӧм ниммез, сложнӧй синтаксическӧй конструкцияэз.
- эта сёрниыс логичнöй, конкретнöй, рассужденнёэз вайöтöны выводдэз дынö;
- эта сёрниыс образнöй, эмоциональнöй, выразительнöй, оз коль равнодушнöйезöн лыддьöтiссезöс да кывзiссезöс.
Публицистикаын жанррез – статья, очерк, репортаж, интервью, фельетон, выступленнё, доклад.
Содтӧт литература: https://vk.com/public189285986 (видзӧтӧ «Кама кытшын» газета, кӧда петӧ коми-пермяцкӧй кыв вылын).
