Вын сьӧрті висьталӧм сёрникузяэз торйӧтчӧны горӧна висьталӧм сёрникузя да негорӧна висьталӧм сёрникузя вылӧ.
Горӧна висьталӧм сёрникузяын баитісьыс мыччалӧ ассис быдкодь чувствоэз: радуйтчӧм, лӧгалӧм, тӧждісьӧм. Быдлӧн ассяма интонация.
Видзöтам примеррез: Бу-ур!.. Чудодейственнöй! — шуис сiя да шынньöвтiс (В.Климов). Ыжманыс, озъягöдыс сэтчинка - маччикан доль! А турун дукыс, вöр дукыс - сьöлöм сьылö! - ошшасис Котöрок (В.Климов).
Негорӧна висьталан сёрникузяын некытшӧм торья чувство оз мычассьы: Вöлi луншöр кад. Шондi öшалiс чуть ли не юр весьтын и сiдз пöжис, что ме люзь пымалi (И.Минин).