Быд отирлӧн эм аслас кыв. Коми-пермяккез понда чужан кылӧн лоӧ коми-пермяцкӧй кыв. Учёнӧйезлӧн мненнё сьӧрті, коми-пермяцкӧй кыв аскӧття пондіс зорамны 14-16 веккезсянь. А аслас вужжезӧн миян кыв матын коми-зырянскӧй, удмуртскӧй, марийскӧй, мордовскӧй, хантыйскӧй, мансийскӧй, карельскӧй, ижорскӧй, вепсскӧй, водскӧй, эстонскӧй, венгерскӧй, финскӧй кыввезкӧт и пырӧ финно-угорскӧй кыв позӧ.
Медматын кыв сьӧрті коми-пермяккезлӧн кыв дынӧ лоӧны коми-зырянскӧй да удмуртскӧй кыввез. Сідз, ӧтмоза или ӧддьӧн матына мийӧ шуам сэтшӧм кыввез: син, пель, вит/вить, льӧм, мунны/ мынэ, ва/ву и уна мӧдіккез. Этна куим кылыс аркмӧтӧны пермскӧй чукӧр финно-угорскӧй кыв поз пытшкын.
Содтӧт литература:
- https://ru.wikipedia.org/wiki/Коми-пермяцкий_язык
- https://родныеязыки.рф/?page_id=5017
- https://bigenc.ru/linguistics/text/4714350
