Аффриката – этö öтiк шы, но гижикö сiйö примитöма мыччавны кык шыпасӧн. Коми-пермяцкӧй кылын аффрикатаэзӧн лоӧны – [дз], [дж], [тш]: дзор, кыдз, джек, удж, тшак, нитш, катша. Шыпасчукӧрӧ нія озӧ пырӧ.
Ас кыввезын аффрикатаэз пантасьлӧны кыв пондӧтчикӧ, кыв шӧрын и кыв помын: дзар, кӧдзыв, дзоридз.
Аффрикатаэз армӧтӧны гоззэз небыт сьӧрті: [дж] – [дз], [тш] – [ч], гора/гуся шуӧм сьӧрті: [дж] – [тш], [дз] – [ч].
Кӧр аффрикатаэз кыкпӧвсассьӧны, кыкись гижсьӧ только мӧд шыпасыс: джж, дзз, тшш: содззез, кытшшез, джыджжез, нёджжавны, адззисьлытӧдз.
Кӧр аффриката сулалӧ кыв пондӧтчикӧ и сійӧ колӧ гижны ыджытсянь, то ыджыт шыпассянь гижам только медоззасӧ: Джуманджи, Дзор дед, Тшакылёк.
