кöр мöд сёрникузяыс мыччалö одзись сёрникузялісь действие мунöмлiсь причина. Сергей сэсся эз шыась: абу охота горшсö весись летны. (И. Минин)Арсö оз радейт некин: медбур кад пö гожся. (В. Климов)
Авторлöн кö кыввес сулалöны кык самостоятельнöй сёрникузя коласын, то авторыс кыввез бöрын сувтöтсьö точка да тире. А веськыт сёрнилöн мöд торыс пондöтсьö гижсьыны ыджыт шыпассянь.
Веськыт сёрнилöн медодзза тор бöрын сувтöтсьö: а) юасян нето горӧтан пас и тире, если сёрникузяыс юасян или горӧтан; запятöй и тире, если сёрникузяыс повествовательнöй.